Նոյեմբերի 26-ը՝ անեմիայի (սակավարյունություն) դեմ պայքարի միջազգային օր

Նոյեմբերի 26-ը անեմիայի (սակավարյունություն) դեմ պայքարի միջազգային օրն է, որի նպատակն է բարձրացնել իրազեկվածությունը, խթանել վաղ հայտնաբերումը և կանխարգելումը։

Անեմիան ամենատարածված առողջական խնդիրներից մեկն է, որի հիմնական պատճառներն են՝

• միկրոէլեմենտների (միկրոտարրեր) և վիտամինների պակաս (երկաթի, B12-ի, ֆոլաթթվի),
• ներծծման խանգարումներ՝ ցելիակիա, բարակ աղի հիվանդություններ, գաստրիտ,
• ավելացված պահանջ՝ հղիություն, երեխաների արագ աճի շրջան,
• քրոնիկ կամ սուր արյունահոսություններ՝ մենոռագիա, մարսողական տրակտի խոցեր,
• որոշ դեղերի ազդեցություն։

Անեմիայի առավել տարածված ախտանիշներն են՝

• թուլություն և արագ հոգնածություն
• գլխապտույտ, սրտխփոց
• շնչառության դժվարացում
• գունատ մաշկ և լորձաթաղանթներ
• եղունգների փխրունություն, մազաթափություն
• լեզվի ցավ և այտուց

B12-ի պակասի դեպքում կարող են զարգանալ նաև նյարդաբանական նշաններ՝

• ծակծկոց, թմրածություն
• հավասարակշռության խանգարում
• հիշողության վատացում

Անեմիայի վաղ հայտնաբերումը կանխում է բարդությունները և զգալիորեն բարելավում կյանքի որակը։

Սակավարյունությունների մասին մանրամասն և հուսալի տեղեկատվություն կարող եք գտնել՝ այցելելով «Յոլյան» արյունաբանության և ուռուցքաբանության կենտրոնի պաշտոնական կայքը՝ https://yeolyan.org/diseases/deficitayin-anemianer/