Վերակենդանացման և անեսթեզիոլոգիայի բաժանմունք

Վերակենդանացման և անեսթեզիոլոգիայի բաժանմունքը հիմնադրվել է 2016 թվականին՝ նպատակ ունենալով ապահովել բարձր մակարդակի ինտենսիվ բուժօգնություն այն պացիենտների համար, ովքեր ունեն կյանքին սպառնացող պաթոլոգիաներ և պահանջում են վերակենդանացման համալիր միջոցառումներ։

Բաժանմունքը ներառում է 5 մահճակալ, որոնցից մեկը՝ մանկական։

Ինտենսիվ թերապիայի բաժանմունքը մասնագիտացած է հետևյալ վիճակների կառավարման մեջ․

• Սրտանոթային համակարգի սուր անբավարարություն,
• Անկայուն հեմոդինամիկ ցուցանիշներ,
• Հարաճուն բազմաօրգանային անբավարարություն և այլն։

Կենտրոնի Ինտենսիվ թերապիայի բաժանմունքի աշխատանքն առանձնանում է իր սպեցիֆիկ բնույթով՝ պայմանավորված արյունաբանական հիվանդություններից բխող բարդ ախտաբանական վիճակներով, ինչը պահանջում է բարձր մասնագիտացված մոտեցում և շարունակական հսկողություն՝ կյանքի համար վտանգավոր բարդություններն արդյունավետ կառավարելու համար։

Բաժանմունքը հագեցած է վերակենդանացման և մոնիթորինգի սարքավորումներով․

• Կարդիոմոնիտորներ,
  
• Ռենտգեն և ուլտրաձայնային հետազոտության սարքեր,
  
• Դիալիզի սարք,
  
• Կենտրոնական երակային կատետրի տեղադրման համակարգեր,
  
• Լյումբալ պունկցիայի և ողնուղեղային անզգայացման միջոցներ։

Բաժանմունքը գործում է շուրջօրյա՝ 24/7 ռեժիմով, ապահովելով անխափան աշխատանք բարձրակարգ մասնագետների կողմից։ Թիմը պարբերաբար մասնակցում է վերապատրաստումների՝ պահպանելու միջազգային չափանիշներին համապատասխան բուժօգնություն:

Բաժանմունքում կիրառվում է անզգայացման հետևյալ տեսակները․

• Ընդհանուր անզգայացում,
• Ողնուղեղային անզգայացում,
• Էպիդուրալ անզգայացում,