Փնտրել բժիշկ 
Դիմեք մեզ 
Իմունաարյունաբանության բաժանմունք
Իմունաարյունաբանության բաժանմունքը հիմնադրվել և ղեկավարվել է Թ.Լ. Թորգոմյանի կողմից՝ 1939 թվականին: 1962-1966 թթ. բաժանմունքը ղեկավարել է Ս.Ս. Ամիրխանյանը: 1966-2008 թթ. իմունաարյունաբանության բաժանմունքը ղեկավարել է բ.գ.դ. պրոֆեսոր Վալենտինա Մկրտիչի Ներսիսյանը: 2008 թ-ից մինչ օրս այն ղեկավարում է բ.գ.թ. Նելլի Հովհաննեսի Մուսայելյանը:
«Յոլյան» արյունաբանության և ուռուցքաբանության կենտրոնի իմունաարյունաբանության բաժանմունքը հագեցած է գերժամանակակից սարքավորումներով, ինչը հնարավորություն է տալիս իրականացնել մի շարք հետազոտություններ և լինել միակը ՀՀ-ում:
Իմունաարյունաբանության բաժանմունքը հագեցած է ORTHO VISION Swift, Bio Vue ORTHO WORKSTATION իմունաարյունաբանական ախտորոշման ավտոմատացված և կիսաավտոմատ սարքավորումներով, որոնք հնարավորություն են տալիս հետազոտություններն իրականացնել ավելի բարձր մակարդակով: Համակարգը թույլ է տալիս միաժամանակ իրականացնել տարբեր իմունաարյունաբանական հետազոտություններ: Կենտրոնը ՀՀ ԱՆ աջակցությամբ ձեռք է բերել Luminex FlexMap 3d անալիզատորը, որն առաջինն է ՀՀ-ում: Անալիզատորը հիմնված է լազերային հիմքով հոսքային ցիտոմետրիայի սկզբունքների վրա: Համակարգը տալիս է արագ և ծախսարդյունավետ կենսավերլուծության արդյունքներ բազմաթիվ ձևաչափերով և կարող է միաժամանակ չափել մինչև 500 գեն կամ սպիտակուց փոքր նմուշի ծավալից: Սարքավորումը հնարավորություն կտա հետագայում ներդնել մի շարք հետազոտություններ՝ բաժանմունքը դարձնելով միակը ՀՀ-ում:
Ստորև ներկայացված է այն հետազոտությունները, որոնք իրակականացվում են միայն «Յոլյան» արյունաբանության և ուռուցքաբանության կենտրոնի իմունաարյունաբանության բաժանմունքում
- Արյան խմբային և ռեզուս պատկանելիության որոշումը բարդ դեպքերում,
- Ոսկրածուծի և սոլիդ օրգանների փոխպատվասումներից առաջ հիվանդի և դոնորի համատեղելիության որոշում ըստ ABO, Rh-Hr, Kell և HLA համակարգերի,
- Էրիթրոցիտար համակարգի անտիգենների որոշում ընդլայնված սանդղակով (Kk, MNSs, P, Duffi, Kidd, Lewis, Lutheran),
- Արյան էրիթրոցիտար խիմերիզմի որոշում փոխներարկումների և փոխպատվաստման ժամանակ,
- Հակաէրիթրոցիտար ալլոհակամարմինների որոշում (11 հակածնի նկատմամբ),
- Հետփոխներարկումային ռեակցիաների հետազոտություն ըստ ABO, Rh-Hr, Kell և HLA համակարգերի,
- Ամուսնական զույգերի համատեղելիության որոշում ըստ ABO, Rh-Hr, Kell և HLA համակարգերի,
- Նորածինների մոտ հեմոլիտիկ հիվանդությունների պատճառների հայտնաբերում ըստ ABO, Rh-Hr և Kell համակարգերի և համապատասխան արյան բաղադրամասերի ընտրություն փոխանակային փոխներարկման համար,
- Իմուն ABO հակամարմինների որոշում կրծքի կաթի մեջ,
- Աուտոիմուն սառը և տաք հակամարմինների տիտրի որոշում
Իմունաարյունաբանության բաժանմունքը զբաղվում է նաև գիտական, պրակտիկ և արտադրական գործունեությամբ:
| # | Անվանում | Նմուշ | Արժեք |
|---|---|---|---|
| 1 | Արյան խմբային և ռեզուս պատկանելիության որոշում | EDTA փորձանոթով վերցված երակային արյուն | 6500 ֏ |
| 2 | Արյան խմբային, Rh-Hr և Kell հակածիների որոշում | EDTA փորձանոթով վերցված երակային արյուն | 8000 ֏ |
| 3 | Արյան խմբային և ռեզուս պատկանելիության որոշումը բարդ դեպքերում | EDTA փորձանոթով վերցված երակային արյուն | 10000 ֏ |
| 4 | Հիվանդի և մեկ դոնորի համատեղելիության որոշում ըստ AB0, D, Kell հակածինների | EDTA փորձանոթով վերցված երակային արյուն | 6000 ֏ |
| 5 | Հիվանդի և մեկ դոնորի համատեղելիության որոշում ըստ AB0, D, Kell հակածինների / Ակ-ի հիվանդանոցային և արտահիվանդանոցային ծառայության շրջանակներում բուժ սպասարկում ստացող հիվանդների համար/ | EDTA փորձանոթով վերցված երակային արյուն | 3500 ֏ |
| 6 | Հիվանդի և մեկ դոնորի համատեղելիության որոշում ըստ AB0, D, Kell հակածինների Կումբսի անուղղակի ռեակցիայով | EDTA փորձանոթով վերցված երակային արյուն | 7000 ֏ |
| 7 | Հիվանդի և մեկ դոնորի համատեղելիության որոշում ըստ AB0, Rh-Hr, Kell հակածինների Կումբսի անուղղակի ռեակցիայով | EDTA փորձանոթով վերցված երակային արյուն | 8000 ֏ |
| 8 | Ռեզուս համակարգի հակածինների որոշում /C,c,E,e / | EDTA փորձանոթով վերցված երակային արյուն | 9000 ֏ |
| 9 | Kell հակածինի որոշում | EDTA փորձանոթով վերցված երակային արյուն | 3000 ֏ |
| 10 | Կումբսի ուղղակի ռեակցիա /IgG,IgG+C3d, C3b/ /3 քարտ/ | EDTA փորձանոթով վերցված երակային արյուն | 5000 ֏ |
| 11 | Կումբսի անուղղակի ռեակցիա | EDTA փորձանոթով վերցված երակային արյուն | 8000 ֏ |
| 12 | Նորածնի խումբային, ռոզուս պատկանելիության և կումբսի ուղղակի ռեակցիայի որոշում | EDTA փորձանոթով վերցված երակային արյուն | 5000 ֏ |
| 13 | Ամուսնական զույգի առաջնակի հետազոտություն /ABO, Rh-Hr և HLA համակարգերով/ | EDTA փորձանոթով վերցված երակային արյուն | 50000 ֏ |
| 14 | Ամուսնական զույգի կրկնակի հետազոտություն /ABO, Rh և HLA համակարգերով/ | EDTA փորձանոթով վերցված երակային արյուն | 35000 ֏ |
| 15 | Ամուսնական զույգի խմբային և ռեզուս հակամարմինների հետազոտություն /Կումբսի անուղղակի ռեակցիայով/ | EDTA փորձանոթով վերցված երակային արյուն | 23000 ֏ |
| 16 | Ամուսնական զույգի ռեզուս հակամարմինների հետազոտություն /կումբսի անուղղակի ռեակցիայով/ | EDTA փորձանոթով վերցված երակային արյուն | 20000 ֏ |
| 17 | M, N, S, s, k /Cellano/ , Kpa, Kpb, Fya, Fyb, Jka, Jkb, Lua, Lub, Lea, Leb և P1 հակածինների որոշում /փոխպատվաստման համար/ | EDTA փորձանոթով վերցված երակային արյուն | 55000 ֏ |
| 18 | Հիվանդի և դոնորի համատեղելիության որոշում երիկամի փոխպատվաստման ժամանակ | EDTA փորձանոթով վերցված երակային արյուն | 55000 ֏ |
| 19 | Իմուն ABO համակարգերի հակամարմին. որոշ. կրծքի կաթի մեջ | EDTA փորձանոթով վերցված երակային արյուն | 1500 ֏ |
| 20 | Աուտոիմուն սառը հակամարմինների տիտրի որոշում (x2) | Վերցվում է երակային արյուն` 37°C տաք փորձանոթով | 3000 ֏ |
| 21 | Հակաէրիթրոցիտար ալլոհակամարմինների որոշում /11 հակածինների նկատմամբ/ | EDTA փորձանոթով վերցված երակային արյուն | 35000 ֏ |
