«Յոլյան» կենտրոնի մասնագետները ASH-ի հրավերով մասնակցել են կլինիկական փորձարկումների կազմակերպման և իրականացման հմտությունների զարգացման ծրագրին

American Society of Hematology (ASH)-ի հրավերով «Յոլյան» կենտրոնի մասնագետները մասնակցել են վերապատրաստման ծրագրի՝ ուղղված կլինիկական փորձարկումների կազմակերպման և իրականացման հմտությունների զարգացմանը։ Բացի այդ, նրանք քննարկումներ են ունեցել միջազգային առաջատար մասնագետների հետ նորագույն ախտորոշման տեխնոլոգիաների, բուժական ռազմավարությունների և ապացույցահեն մոտեցումների վերաբերյալ։

Ծրագրին ակտիվ մասնակցությամբ հանդես եկան ՀՀ ԱՆ «Յոլյան» արյունաբանության և ուռուցքաբանության կենտրոնի մասնագետներ Հեղինե Խաչատրյանը, Աստղիկ Ոսկանյանը, Անահիտ Տեր-Գրիգորյանը և Նաիրա Սիմոնյանը։

Դասընթացն ընդգրկում էր ժամանակակից արյունաբանության առանցքային ուղղությունները՝ օնկոհեմատոլոգիա, հեմոստազ և թրոմբոզ (ներառյալ հեմոֆիլիայի կառավարում), անեմիաներ և բարորակ հեմատոլոգիա, ինչպես նաև տվյալագիտության կիրառումը կլինիկական հետազոտություններում։

Հատկապես կարևոր էր Trainee Day-ը, որի շրջանակում դեպքերի վրա հիմնված քննարկումները ընդգծեցին քննադատական վերլուծության, բազմամասնագիտական մտածողության և ապացույցահեն որոշումների կայացման կարևորությունը։

Մենք շարունակում ենք հանձնառու մնալ կրթության, գիտական առաջընթացի և գլոբալ համագործակցության միջոցով արյունաբանության զարգացմանը։