Ռուզաննա Պապյանը դարձել է SIOP-ի Պատանիների և երիտասարդների աշխատանքային խմբի համաղեկավար

«Յոլյան» արյունաբանության և ուռուցքաբանության կենտրոնի՝ «Հայաստանի մանկական քաղցկեղի և արյան հիվանդությունների կենտրոնի»  մանկական ուռուցքաբան Ռուզաննա Պապյանը դարձել է Մանկական ուռուցքաբանության միջազգային միության (SIOP) Պատանիների և երիտասարդների աշխատանքային խմբի համաղեկավար:

SIOP-ի առաքելությունը մանկական ուռուցքաբանության խորը ուսումնասիրությունն ու դրա արդյունքների բարելավումն է: Կազմակերպությունն այսօր ունի ավելի քան 3000 անդամ ամբողջ աշխարհում՝ ներառյալ բժիշկներ, բուժքույրեր, առողջապահական ոլորտի մասնագետներ, գիտնականներ, հետազոտողներ և այլն: