Հայաստանում մինչև 25 տարեկան պացիենտների քաղցկեղի բուժումը՝ առանց ընտանիքի համար ֆինանսական բեռի

Հայաստանում մինչև 25 տարեկան յուրաքանչյուր անձ, որի մոտ ախտորոշվում է չարորակ նորագոյացություն կամ արյան չարորակ հիվանդություն, ստանում է լիարժեք և շարունակական բուժօգնություն՝ առանց ընտանիքի վրա ֆինանսական բեռի։

Պետական պատվերի շրջանակում նրանց համար ապահովվում է անվճար ներհիվանդանոցային բուժում՝ ներառյալ ախտորոշում, վիրահատություն, քիմիաթերապիա և հսկողություն։

Միևնույն ժամանակ ծախսերը, որոնք չեն փոխհատուցվում պետական պատվերով, օրինակ՝ որոշ թանկարժեք դեղեր, թանկարժեք լաբորատոր հետազոտություններ, հոգում է «City of Smile Charitable Foundation / Սիթի օֆ Սմայլ բարեգործական հիմնադրամ»-ը։ Աջակցության շրջանակներում պացիենտներին և նրանց ընտանիքի անդամներին տրամադրվում է նաև հոգեսոցիալական ծառայություն, և բուժման ողջ ընթացքում պացիենտը ստանում է օրական 4-անգամյա սնունդ։  

Համատեղ համակարգի շնորհիվ՝ այս տարիքային խմբի պացիենտները ստանում են քաղցկեղի համալիր և արդյունավետ բուժում, իսկ նրանց ընտանիքները չեն բախվում ֆինանսական դժվարությունների։ Աջակցությունը տրամադրվում է բոլորին՝ անկախ սոցիալական կարգավիճակից։ Նրանք բոլորն ունեն հավասար հնարավորություն՝ հաղթահարելու հիվանդությունը և վերադառնալու բնականոն կյանքին։