Բժշկական հաստատությունների շրջանում անցկացվող արյունատվության արշավին միացել է Աբովյանի բժշկական կենտրոնը

Շարունակելով բժշկական հաստատությունների շրջանում իրականացվող արյունատվության արշավը՝ Արյան բանկի մեր թիմը այցելել է Աբովյան քաղաք։

Ռ. Հարությունյանի անվան Աբովյանի բժշկական կենտրոնն ընդունել է Գավառի բկ-ի կողմից փոխանցված էստաֆետը և կազմակերպել արյունատվության ակցիա՝ ևս մեկ քայլ կատարելով կյանքի փրկության կարևոր գործում։

Կենտրոնի կողմից էստեֆետը փոխանցվել է Վարդենիսի հիվանդանոցին և առաջիկայում «Յոլյան» արյունաբանության և ուռուցքաբանության կենտրոնը արյունատվության ակցիա կիրականացնի Վարդենիս քաղաքում։

Շնորհակալ ենք նախաձեռնությանը մասնակցելու և մշտապես արյան պաշարների համալրման հարցում մեզ աջակցելու համար։ Ձեր քայլը կարևոր է պացիենտներին ժամանակին օգնություն ցուցաբերելու հարցում։