Տարածված միֆեր մանկական քաղցկեղի մասին 

Մանկական քաղցկեղի շուրջ հաճախ տարածվում են մտահոգիչ և երբեմն սխալ պատկերացումներ։ Իրազեկվածությունը կարող է փրկել կյանքեր, ուստի կարևոր է տարբերել միֆը իրականությունից։

Մանկական քաղցկեղի դեմ պայքարի միջազգային օրվա կապակցությամբ՝ ներկայացնում ենք ամենատարածված միֆերը և այն, ինչ պետք է իմանան ծնողները։

Միֆ 1․ Մանկական քաղցկեղը միշտ ժառանգական է։
Իրականում մանկական քաղցկեղների մեծ մասը ժառանգական չէ և կապված չէ ծնողների գործողությունների հետ, այլ կերպ ասած՝ հնարավոր չէ այն կանխարգելել։

Միֆ 2․ Քաղցկեղը դատավճիռ է։

Ժամանակակից բժշկության շնորհիվ մանկական քաղցկեղների զգալի մասը բուժելի է՝ հասնելով 75–85%-ի։

Միֆ 3․ Եթե երեխայի վիճակը «լուրջ չէ», կարելի է սպասել։

Վաղ ախտորոշումը էապես բարձրացնում է բուժման արդյունավետությունը։ Երկարատև ջերմություն, անբացատրելի հոգնածություն, քաշի կորուստ, հաճախակի արյունահոսություններ կամ ցավեր դեպքում անհրաժեշտ է դիմել բժշկի։

Միֆ 4․ Բուժումը հասանելի չէ Հայաստանում։

Հայաստանում կիրառվում են ժամանակակից բուժման մեթոդներ՝ միջազգային ուղեցույցներին համապատասխան։

Ինչ պետք է հիշեն ծնողները․

ուշադրությո՛ւն դարձրեք երեխայի գանգատներին, մի՛ անտեսեք երկարատև կամ անբացատրելի փոփոխությունները և ժամանակին դիմե՛ք մասնագետի։ Վաղ հայտնաբերումը կարող է ամբողջությամբ փոխել հիվանդության ընթացքը։Իրազեկվածությունը ուժ է։ Իրազեկված ծնողը կարող է դառնալ երեխայի առողջության կարևոր պաշտպանը։