Մորֆոլոգիական լաբորատորիա

Մորֆոլոգիական լաբորատորիան հիմնադրվել է 1968թ․-ին։  Լաբորատորիայի կատարած աշխատանքներն ունեն առաջնային նշանակություն արյունաբանական ծագում ունեցող հիվանդությունների ախտորոշման և գնահատման հարցում, չափազանց կարևոր են ընդհանուր արյան և ոսկրածուծի բջջաբանական հետազոտության արդյունքները:

Մորֆոլոգիական լաբորատորիայում հետազոտվում են լիմֆատիկ հանգույցի դաջվածքները, տարբեր օրգանների պունկտանտները: Բաժնի հետազոտությունների շնորհիվ ախտորոշվում են սուր և քրոնիկ լեյկոզները, թրոմբոցիտար համակարգի հիվանդությունները, տարբեր ծագում ունեցող սակավարյունությունները (բնածին և ձեռքբերովի), ինչպես նաև ուռուցքային ծագում ունեցող այլ հիվանդություններ (մետաստազներ, ոսկրածուծ և այլ կենսաբանական հեղուկներ):

Կենտրոնի Մորֆոլոգիական բաժանմունքը հագեցած է ոլորտում նորագույն Sysmex XN 1000, Sysmex UF 4000, Sysmex US 3500 սարքավորումներով։


Այստեղ իրականացվում է Հայաստանում եզակի մի շարք հետազոտություններ․ 

• Ոսկրածուծի բջջաբանական հետազոտություն,
• Սիդերոբլաստների քանակական հետազոտություն,
• Ռետիկուլոցիտների հետազոտություն,
• Ռեզիստենտականության որոշում (էրիթրոցիտների),
• Մեգակարիոցիտոգրամմա,
• Ավշային հանգույցի պունկտանտի և դաջվածքի հետազոտություն,
• Ավշային հանգույցի հիստոլոգիական հետազոտություն,
• Փայծաղի դաջվածքի հետազոտություն,
• Ոսկրածուծի ցիտոքիմիական հետազոտություն,
• Էրիթրոցիտների մորֆոլոգիական հետազոտություն,
• Արյան հաստ կաթիլի հետազոտություն (մալարիայի հայտնաբերում),

Ողնուղեղային հեղուկի, ինչպես նաև մյուս կենսաբանական հեղուկների հետազոտություն։