Բժշկական կենտրոնները մասնակցում են արյունատվության արշավին․

Արյունատվության էստաֆետը մեկ տարվա ընթացքում միավորեց ՀՀ տարբեր մարզերի ավելի քան 20 բուժհաստատություն՝ ձևավորելով արյան անհատույց նվիրատվության մշակույթ և ուժեղացնելով մարզերի մասնակցությունն ու համագործակցությունը։

«Յոլյան» արյունաբանության և ուռուցքաբանության կենտրոնի և ՀՀ առողջապահության նախարարություն-ի կողմից իրականացվող նախաձեռնությունը շարունակում է ընդլայնվել․ էստաֆետին հունվար ամսվա ընթացքում միացել են՝

Թալինի Բժշկական Կենտրոն/Talin Medical Center-ը,

Հոգեկան առողջության պահպանման ազգային կենտրոնը,

«Վանաձորի Բժշկական Կենտրոն» ՓԲԸ։

Հիշե՛ք, ձեր նվիրած արյունը օգնելու է՝

• քաղցկեղ և արյան հիվանդությունների,
• բարդ վիրահատությունների,
• ծննդաբերությունների,
•  ծանր վնասվածքների,
• ավտովթարների և ցանկացած այլ արտակարգ իրավիճակների ժամանակ տուժածներին։

Բժշկական հաստատությունների ներգրավվածությունը ևս մեկ անգամ ընդգծում է ոլորտի պատասխանատվությունը՝ ուղղված արյան անընդհատ և անվտանգ մատակարարման ապահովմանը։