Կոագուլոլոգիական հետազոտություններ՝ «Յոլյան» արյունաբանության և ուռուցքաբանության կենտրոնում

«Յոլյան» արյունաբանության և ուռուցքաբանության կենտրոնի մակարդելիության լաբորատորիայում օգտագործվում է STA Compact Max3 ավտոմատ կոագուլոմետր (Stago, Ֆրանսիա), որը կիրառվում է արյան մակարդելիության համակարգի լաբորատոր հետազոտությունների իրականացման համար։

Սարքի միջոցով իրականացվում են ինչպես կոագուլոգրամայի ամենօրյա հետազոտություններ, այնպես էլ մասնագիտացված թեստեր՝ ներառյալ մակարդելիության գործոնների որոշումը։ Այդ հետազոտությունների մի մասն այսօր Հայաստանում իրականացվում է միայն «Յոլյան» արյունաբանության և ուռուցքաբանության կենտրոնում։

Լաբորատորիայում կատարվող հետազոտություններն օգնում են գնահատել արյան մակարդելիության համակարգի վիճակը, ախտորոշել մակարդելիության խանգարումները և աջակցել բուժման ընթացքի վերահսկմանը՝ տարբեր կլինիկական իրավիճակներում։